«Олунньу ый – Саха суругун – бичигин ыйа” диэн тэрээһин иһинэн ыытыллыбыт олунньу 15 күнүттэн 21 күнүгэр диэри норуот тылынан уус – уран айымньытын нэдиэлэтэ былаан быһыытынан ааста. Эппиэттээх 8 кылаас анаммыт тэрээһиннэрин сөптөөхтүк, бэйэлэрин кыахтарынан ыытта. Үөрэнээччилэр бэйэлэрэ, учуутал көмөтө суох, сүрдээх тэрээһиннээхтик бу тэрээһиннэрин ыыттылар. Хас биирдии үөрэнээччи биирдии этабынан үллэстэн оонньууну ыытта.
Бу нэдиэлэҕэ былаан быһыытынан ыытыллар тэрээһиннэр бардылар. Үгүс үлэни эрэйдэ.
15/02 – "Юбиляр суруйааччылар” диэн ааттаан библиотекарь Васильева Н.А. сүрдээх интэриэһинэй презентацияны оҥорон үөрэнээччилэргэ көрдөрдө. Ол курдук К. Д. Уткин – Нүһүлгэн, Иванов М. С. – Багдарыын Сүлбэ, Н.И. Харитонов – Николай Чуор олохторун, айар үлэлэрин сырдатар дириҥ ис хоһоонноох презентацияны 5, 6, 7, 8 кылаас үөрэнээччилэрэ сэҥээрэн көрдүлэр, иһиттилэр.
16/02 - "Поэзия хонуута” оскуола кыргыттар суруйар килбик хоһооннорун ырытыы буолла. Хомойуох иһин, 8 кылаас үөрэнээччитэ Назарова Нюргуяна эрэ хоһооннорун көрдөрдө.
17/02 – Билиҥҥи кэмнээҕи проза туһунан учуутал Степанова У.И. иһитиннэрии оҥордо. "Аанчык” диэн Суорун Омоллоон айымньытынан устуллубут уус – уран киинэни көрдөрдө.
18/02 – Саҥа кинигэлэр быыстапкаларын библиотекарь Васильева Н.А. интэриэһинэйдик ыытта, көрдөрдө, кэпсээтэ. Саҥа тахсыбыт кинигэлэр быыстапкаларын тэрийдэ.
19/02 – Интеллектуальнай оонньууну 8 кылаас кыргыттара бэйэлэрэ иилээн – саҕалаан ыыттылар. Күрэх – оонньууга 5 уонна 6 кылаас үөрэнээччилэрин кытыннылар.
20/02 – "Өбүгэлэрбит оонньуулара” диэн ааттаан, хаамыска уонна хабылык оонньуутун Степанова У.И. ыытта. Оонньуу биирдиилээн бастыыр иһин ыытылынна.
Нэдиэлэ иһинэн алын сүһүөх үөрэнээччилэригэр байыаннай ырыаны толоруу уонна хаамыы күрэҕэ ыытылынна. Чуукаар орто оскуолатын алын сүһүөх үөрэнээччилэрин кытта күөн көрсүүгэ биһиги оскуола үөрэнээччилэрин хамаандата бастаан, улуустааҕы күрэххэ киирэн кыттар быраабы ылан, оройуоҥҥа 3 миэстэни ылла. Ону таһынан оскуола үрдүкү сүһүөх кылааһын уолаттарыгар "Мистер школа ” күрэх 2 нэдиэлэлээх күрэҕин түмүгэ таҕыста. Бу күрэх сонуна диэн күрэх интернет нөҥүө куоластааһыннаах ыытыллыбыта буолар. 600 - тэн тахса куолас уолаттарга киирдэ. Хас биирдии күрэххэ номинациялаах буолан, кыттыбыт уолаттар анал аакка тигистилэр. Уолаттар "Өбүгэлэрбит оонньуулара” диэн түһүмэхтэн тутум эргииргэ биирдиилээн кыахтарын көрдөрдүлэр.
Нэдиэлэ итэҕэс өрүтүнэн буолар: ыытыллар тэрээһиннэргэ баҕа өттүнэн буолбакка ыҥырыы, ирдээһин эрэ өттүнэн үөрэнээччилэр кыттыыны ылаллара. Кылаас салайааччылара улахан болҕомто уурбаттара. Нэдиэлэни иилээн – саҕалаан ыытааччы Никитина А.И.
|