МОУ Егольжинская СОШ им. Д.И. Павлова
Вторник, 19.03.2024, 11:55
ГлавнаяРегистрацияВход Приветствую Вас Гость | RSS

Мини-чат
100

Статистика

Форма входа

Главная » 2010 » Февраль » 16 » Ырытыы – ыспыраапка.
10:54
Ырытыы – ыспыраапка.
 Олунньу 8 – 13 күннэрэ, 2010 сыл.
 «Олунньу ый – Саха суругун – бичигин ыйа” диэн тэрээһин иһинэн ыытыллыбыт олунньу 1 күнүттэн 6 күнүгэр диэри норуот тылынан уус – уран айымньытын нэдиэлэтэ былаан быһыытынан ааста. Эппиэттээх 10 кылаас анаммыт тэрээһиннэрин сөптөөхтүк, бэйэлэрин кыахтарынан ыытта.
Бу нэдиэлэҕэ былаан быһыытынан ыытыллар тэрээһиннэр бардылар. Үгүс үлэни эрэйдэ.
8/02 – "С.А.Новгородов олоҕун суола” диэн ааттаах презентация оҥоһулунна .
9/02 – Оройуоҥҥа "Аман өс” күрэҕэр 8 кылаастан Васильева Женя, 9 кылаастан Корнилова Аина, Филиппова Маша киирэн кытыннылар. Кыргыттар бастакы сэмэй хардыыларын оҥордулар, Аина талан ылбыт тиэмэтин төһө билэринэн, тугу саныырын бэйэтин тылынан кэпсии сатаабыт, ол эрээри бастыҥнар инники түспүттэр. Салайааччылара Степанова У.И. этэринэн, кыргыттар истэн, санааларын этэн астынан тахсыбыттар.
"Саамай суруксут” диэн ааттаан, 5 кылаастан саҕалаан 11 кылаас үөрэнээччилэригэр диэри диктант суруйтаран, оскуола оҕолоруттан таба суруйар оҕону талыы барда. Икки түһүмэхтээх күрэх түмүгэр 5 кылаастан Петров Дима, 8 кылаастан Александрова Маша, биир да сыыһаны түһэрбэккэ, "Саамай суруксут” диэн ааты ыллылар.
10/02 – Саха тылын историятыгар тахсыбыт, Э.К.Пекарскай тылдьытыттан саҕалаан, араас тылдьыттар тустарынан сонун тэрээһин ыытылынна.
11/02 – Оскуола иһинэн бэһис сылын "Павловскай ааҕыылар” ыытыллар. Быйыл бу ааҕыылар оннуларыгар "Аман өс” күрэҕин тэрийдибит. Детсад оҕолоруттан саҕалаан 11 кылаас оҕолоругар диэри 63 үөрэнээччи кытынна. Араас предметтэри үөрэтэр 13 учуутал, 8 төрөппүт бу оҕолорго араас тиэмэнэн санааларын этэллэригэр көмө буолбуттар. 3 секциянан истии барда, дьүүллүүр сүбэҕэ пенсионер – учуутал, РФ үөрэҕириитин туйгуна Филиппова И.П., төрөппүттэр Степанова С.А., Никитина Е.В. детсад иитээччитэ Александрова Р.П., учууталлар Николаев Р.Н., Степанова У.И., Павлова Д.Н., библиотекарь Васильева Н.А. кыттыыны ыллылар. Түмүккэ, күрэххэ кыттыбыт үөрэнээччилэргэ барыларыгар туоһу сурук, миэстэлэспит үөрэнээччилэргэ барыларыгар сэмэй бэлэх, махтал сурук туттарылынна.
12/02 – Тыл оонньуутун 10 кылаас (салайааччы Николаева А.А.) тэрийэн ыытта. Сүрүннээн оонньууга 6 уонна 7 кылаас үөрэнээччилэр кытыннылар. Боппуруостарга эппиэттэр түмүктэринэн, 7 кылаас үөрэнээччилэрэ ордук элбэх дьиҥ сахалыы тыллары билэллэрэ кыайыы өрөгөйүгэр таһаарда.
13/02 –Тыл уонна сахалыы таҥас бырааһынньыга.
3 уруок кэнниттэн уһун сынньалаҥ кэмигэр ыытылынна. Буолбут сирэ – актовай саала. Кылаастарынан киирэн турдулар. Учууталлар уонна үөрэнээччилэр бука бары сахалыы таҥастаахтар.
Киирии тылы оскуолаҕа иитэр үлэни тэрийээччитэ Степанова Е.И. аста. Эҕэрдэ тылы директор Павлов А.Н. тириэртэ.
"Саха суругун – бичигин күнэ” – С.А.Новгородов төрөөбүт күнэ буоларын презентация нөҥүө Никитина А.И. көрдөрдө.1 кылаас үөрэнээччилэрин ааҕыытыгар "Буукубаар” диэн хоһоон ааҕылынна. Иитэр – үөрэтэр үлэни тэрийээчч Петрова И.В. "Аман өс” кыайыылаахтарыгар уонна "Саамай суруксут” күрэх кыайыылаахтарыгарсэмэй бэлэхтэри туттарда. Билиҥҥи кэм саамай сыаналаах, муодунай таҥаһынан ийэлэр, эдьиийдэр, саҥастар тикпит саха таҥастара буолла . үөрэнээччилэр сценаҕа тахсан хааман көрдөрдүлэр, хаартыскаҕа түстүлэр. "Саха суругун – бичигин күнүнэн өссө төгүл эҕэрдэ буолуохтун. Тылга тапталгыт сөҕүрээбэтин, билиигит – көрүүгүт дириҥээтин, тылгыт – өскүт сытыыланнын. Саха тыла өспөтүн туһугар туруулаһыҥ , сайаҕас санааҕытын кынат оҥостон, төрөөбүт тылгытынан айа, саҥара, ырыта үөрэниҥ” – диэн алгыс тыла этилиннэ.
Иккис нэдиэлэҕэ ыытыллыбыт үлэ түмүгүнэн ситэтэ суоҕунан сыаналанар:
"Аман өс” күрэҕэр учууталлар улахан болҕомтолорун уурбатахтар. Үксүгэр кыттар, үлэлиир эрэ учууталлар үөрэнээччилэри бэлэмнээбиттэр. Оҕолор киэҥ эйгэҕэ саҥарар үөрүйэхтэрэ суох, симиттэллэр, санааларын толору эппэттэр, туттан туруулара, таҥастара ирдэбилгэ эппиэттээбэт.
Сахалыы таҥаһы таҥныыга улахан агитационнай үлэ барбатах. 5 уонна 10 кылаас уолаттара таҥас кэппэтилэр, кылаас салайааччылара болҕомтону уурбатахтар, үлэни ыыппатахтар. Былырыыҥҥыга холоотоххо, учууталлар таҥастара сэдэхсийбит, аҥардас атрибутунан эрэ барбыттар.
Нэдиэлэни иилээн – саҕалаан ыытааччы Никитина А.И.
Просмотров: 1502 | Добавил: sch-egoldja | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Меню сайта
  • Новости
  • Главная страница
  • Образовательная программа
  • НСОТ
  • Локальные акты

  • Поиск

    Календарь
    «  Февраль 2010  »
    ПнВтСрЧтПтСбВс
    1234567
    891011121314
    15161718192021
    22232425262728

    Copyright MyCorp © 2024 Бесплатный хостинг uCoz