«Олунньу ый – Саха суругун – бичигин ыйа” диэн тэрээһин иһинэн ыытыллыбыт олунньу 1 күнүттэн 6 күнүгэр диэри норуот тылынан уус – уран айымньытын нэдиэлэтэ былаан быһыытынан ааста. Эппиэттээх 5, 6 кылаастар анаммыт тэрээһиннэрин сөптөөхтүк, бэйэлэрин кыахтарынан ыыттылар.

Ол курдук:

1/02 – Ыйы аһыы, балаһыанньаны билиһиннэрии, эппиэттээх кылаастары наардааһын ыытыллыбыта. Үөрэнээччилэр көхтөөх кыттыыны ылалларыгар ыҥырыы оҥоһуллубута.

2/02 – Өс хоһооннорун күрэҕин (6 кылаас) салайааччы Васильева В.Е. тэрийэн ыыппыта. Никитин Коля (7 кылаас) үөрэнээччитэ кыайыылааҕынан таҕыста. 3

/02 – Чабырҕах ааҕыытын күрэҕэ (5 кылаас) салайааччы Павлова Д.Н. тэрийиитинэн ааста. Петров Дима (5кылаас) – 1 миэстэни, Иванов Юра (8 кылаас) – 2 миэстэни, Александров Даниил (6 кылаас) – 3 миэстэни ыллылар.

4/02 – Үһүйээннэри, остуоруйалары интэриэһиргээччилэр күрэхтэригэр саамай билиилээҕинэн Афанасьева Еля (6кылаас), Петров Дима (5кылаас), Андреева Роксолана (5кылаас) буоллулар. Күрэх – оонньууну учуутал Никитина А.И. ыытта. Бу күн алын сүһүөх учууталларын, үөрэнээччилэрин кыттыыларынан «Нэһилиэк талааннаахтара” диэн тэрээһини «Ырыа - тойук сүрэх төлөнө, оһуохай – олоҥхо - санаа көҥүлэ” сүрүн санаанан салайтаран ыыттылар, нэһилиэк үбүлүөйүгэр анаан чинчийбит, хомуйбут үлэлэрин түмүгүн таһаардылар.

5/02 – «Олоҥхо - норуот сүдү баайа” диэн өйдөбүл сүнньүн Степанова У.И. 6 кылаастарга «Олоҥхо уобарастарыгар даҕааһын аат туттуллуута” диэн ааттаан аһаҕас уруокка көрдөрдө.

6/02 - Оройуоннааҕы саха тылын, литературатын уонна төрүт культуратын олимпиадатыгар 10 кылаастан Павлова Шура (уч. Никитина А.И.) кыттан саха тылыгар 5-6 миэстэни үллэһиннэ, 9 кылаастан Андреева Надя (уч. Степанова У.И.) саха литературатын уонна төрүт культура боппуруостарыгар эппиэттээн 6 миэстэни ылла. Бу оройуон таһымыгар куһаҕана суох көрдөрүү.

Норуот ырыатын киэһэтэ (кылаастартан биирдии ырыа) орто таһымҥа барда, алын сүһүөх кылаас үөрэнээччилэрэ элбэх ырыаны холбоон попурри толордулар, бэлэмнэммиттэрин туоһулаатылар. Дьүүллүүр сүбэҕэ норуот ырыаһыттара Степанов А.И., Петрова Е.Ф. кэлэн үөрэнээччилэр толорууларын сыаналаатылар, санааларын эттилэр. Екатерина Федоровна сөбүлээн толорор норуот ырыатын бэлэх уунна.