Саҥа сыл саҕаламмытынан эҕэрдэ буолуохтун. Санаабыт санааҕыт олоххо киириэхтин, тобулбут толкуйгут тобуллан иһиэхтин. Олунньу ый - Одун ыйа, тыл иччитигэр сүгүрүйүү ыйа, саха суругун – бичигин ыйа. Бу ыйга араас өрүттээх үлэ - хамнас оскуолаҕа ыытыллыаҕа. Онно көхтөөхтүк кыттаргар, оҕоҕун кытыннараргар баҕарабыт. Бастатан туран, сахалыы таҥаста оҕоҕор тик, бэйэҕэр тигин, тиктэр эбэтэр уларыс. Иккиһинэн, аман өс күрэҕэр кыттан сахалыы саймаархай тылгынан санааҕын үллэһин эбэтэр оҕоҕун кытыннар. Ону таһынан атын ыытыллар тэрээһиннэргэ сырыт, кытын, көр, иһит, киһиттэн хаалсыма, туора турума. Мунаарар боппуруоскун учууталтан сүбэлэт, тэрийээччилэртэн туоһулас.

 

Тэрийээччилэр.