Ыйы ыыталлар саха тылын, литературатын учууталлара Степанова У.И., Никитина А.И., библиотекарь Васильева Н.А.

Ыйы ыытыы сыала – соруга:

1. Төрөөбүт тылга болҕомтону тардыы, тапталы иитии, таба саҥарарга уһуйуу;

2. Төрөөбүт литератураҕа интэриэһи көбүтүү, айымньылары билиһиннэрии, ааҕар көҕү үрдэтии, сыаналыы, ырытыы үөрэтии, хоһоонноохтук ааҕар дьоҕуру, толкуйу сайыннарыы, иэйиини уһугуннарыы;

3. Төрөөбүт дойду кэрэтин таба көрөр, ону сыаналыыр, харыстыыр өйү – санааны иитии, ылыннарыы;

4. Ис култууралаах буолууну олохсутуу, иитии, өйү – санааны сайыннарыы, айар дьоҕур сайдарыгар олук ууруу, кыаҕы биэрии, айар тыл алыбар уһуйуу.

 

Ыйы нэдиэлэлэринэн, эппиэттиир кылаастарынан наардааһын:

 · Олунньу 1 күнүттэн 6 күнүгэр диэри – норуот тылынан уус – уран айымньытын нэдиэлэтэ. Эппиэттээх 5,6 кылаастар.

 · Олунньу 8 күнүттэн 13 күнүгэр диэри – саха тылын, суругун – бичигин нэдиэлэтэ. С.А.Новгородов төрөөбүт күнэ. Эппиэттээх 10 кылаас.

· Олунньу 15 күнүттэн 20 күнүгэр диэри – саха литературатын нэдиэлэтэ. Эппиэттээх 8 кылаас.

· Олунньу 22 күнүттэн 27 күнүгэр диэри – хоһууннар, уоланнар нэдиэлэлэрэ. Эппиэттээх 7,9 кылаастар.