Олунньу ый - Одун ыйа, тыл иччитигэр сүгүрүйүү ыйа, саха суругун – бичигин ыйа. Бу ыйга араас өрүттээх үлэ - хамнас оскуолаҕа ыытыллыаҕа. Онон аҥардас саха тылын, литературатын учууталларын эрэ түбүгэ, үлэтэ буолбакка, бары педколлектив үлэтэ буолар. Хас биирдии үөрэнээччи, учуутал, кылаас салайааччыта кыттыыны ылыахтаах. Омук быһыытынан симэлийбэккэ үүнэр ыччакка төрөөбүт тыл сүмэтин, үөрүүтүн – көтүүтүн тириэрдэр ытык эбээһинэстээхпит.
Хас нэдиэлэ ахсын үлэ көрүҥнэрин уларытан ыытар санааттан кылаастарынан кытыннардыбыт. Эппиэттээх кылаас ыытар биир күннээх, ыытыллар тэрээһиннэр ис хоһооннорун быһааран биэрэбит, күүс – көмө буолабыт. Бу барыта хас биирдии үөрэнээччи кыттыыны ыларыгар кыаҕы биэриэ. Маҥнайгы санааны олук быһыытынан биэрэбит, ону кылаас салайааччыта үөрэнээччилэрин кытта сүбэлэһэр, бэйэтин кыаҕын, таһымын учуоттаан, оскуола үөрэнээччитэ төһө иллэҥин, баҕатын көрөн тэрээһинин ыытарыгар учуоттуур. Ыытыллыбыт үлэ түмүгүн таһаарар, төһө үөрэнээччи кыттыыны ылбытынан, төһө үөрэнээччини хабан тэрээһини ыыппытынан ый түмүгэр кыайыылаах быһаарыллар. Ким төрөөбүт тылын ытыктыырын, билэрин тургутан көрүү саҕаланыа. Үөрэнээччигэ кыахта биэриэҕиҥ, саха суругун – бичигин ыйын тэрээһиннээхтик ыытыаҕыҥ. Ситиһиилэри баҕарабын.
Холбоһук салайааччыта, ыйы иилээн – саҕалаан ыытааччы Никитина А.И..
|